Գրիգորի Նարեկայ վանից վանականի ողբերգութիւն : Աւետարանք բժշկութեան /
Աւետարանք բժշկութեան
Գրիգոր Նարեկացի.
- Վենետիկ : ի Սուրբն Ղազար, 1833.
- 6 չհ., 636, 67 էջ ; նկ. ; 11,5 սմ.
Շարվածքը՝ 9X4,5 սմ: Քառածալ, մամուլանիշերը՝ հայատառ: Բնագիրը՝ բոլորգիր, օգտագործված է նաև նոտրգիր: Տիտղոսաթերթին, 3-րդ, 6-րդ էջերին՝ զարդանկարներ: Գրքի վերջում ներառված է «Աւետարանք բժշկութեան» հատվածը՝ առանձին տիտղոսատով և էջակալությամբ: Սույն գրքի մատենագիտական նկարագրությունը բացակայում է «Հայ գիրքը 1801-1850 թթ.» մատենագիտության մեջ, իսկ օրինակները պահպանվում են ՀՀ ԳԱԱ հիմնարար գիտական գրադարանի «Արամ Ագուլյան» և «Կարապետ և Հովսեփ Կուսիկյաններ» հավաքածուներում: Օրինակներից մեկի (Ագուլ 4) կազմը կաշեպատ է, զարդափակ, կռնակին՝ զարդանախշեր, տիտղոսաթերթին, 3-րդ և 6-րդ էջերին՝ զարդանկարներ: Երկրորդ օրինակի կազմը (Կուս. 2802) վերականգնված է, բացակայում են տիտղոսաթերթը և 6 չհամարակալված էջերը: Նույն թվականից մեզ հայտնի է Գրիգոր Նարեկացու սույն գրքի մի տպագրություն՝ վերնագրային և տպագրական մասնակի փոփոխություններով, որի մատենագիտական նկարագրությունը «Հայ գիրք 1801-1850 թթ.» մատենագիտության մեջ կատարվել է աստղանիշով (տե՛ս N 763)՝ ըստ մատենագիտական աղբյուրների: Հետագայում որոշ գրադարաններ կարողացել են համալրել իրենց հավաքածուներն այս հրատարակությամբ: Գրքի մասին տեղեկություն կա Գ. Զարբհանալյանի «Հայկական մատենագիտութիւն» գրքում (Վենետիկ, 1883 թ., էջ 406), ուր ներկայացված է որպես «Ընտիր մատենագիրք» մատենաշարի բաղկացուցիչ մի մաս, սակայն մեզ հասանելի օրինակում մատենաշարի տվյալը բացակայում է: Գիրքը թվայնացվել է ՀՀ ԳԱԱ հիմնարար գիտական գրադարանում: